ಈ ಹಣವನ್ನು ಬಡ್ಡಿ ಪಾವತಿಗೆ ಮತ್ತು ಮುನ್ನೋಟ ಯೋಜನೆಗಳ ಬಂಡವಾಳ ಹೂಡಿಕೆಗೆ ಬಳಸಲು ಉದ್ದೇಶಿಸಲಾಗಿದೆ. ಕಂಪನಿಯು ವ್ಯಾಪಾರ ವಿಸ್ತರಣೆ ಹಾಗೂ ಹೊಸ ಯೋಜನೆಗಳ ಹೂಡಿಕೆಯಲ್ಲಿ ಸದಾ ಮುಂಚೂಣಿಯಲ್ಲಿದ್ದು, ಈ ತೀರ್ಮಾನವೂ ಆ ಚಟುವಟಿಕೆಗೆ ಸಂಬಂಧಿಸಿದೆ.
ಸಾಲವನ್ನು ಪಡೆಯಲು RIL ದೇಶೀಯ ಮತ್ತು ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಗಳೊಂದಿಗೆ ಚರ್ಚೆ ನಡೆಸುತ್ತಿದೆ. ಪ್ರಮುಖವಾಗಿ, ಈ ಹೂಡಿಕೆವು ತಂತ್ರಜ್ಞಾನ, ಗ್ರೀನ್ ಎನರ್ಜಿ, ಹಾಗೂ ಜಿಯೋ ಪ್ಲಾಟ್‌ಫಾರ್ಮ್ಸ್ ವಿಭಾಗದಲ್ಲಿ ಮರು ಹೂಡಿಕೆಗಳಿಗೆ ಕೇಂದ್ರೀಕರಿಸಲಿದೆ.
ಮುಕೇಶ್ ಅಂಬಾನಿ ಇಂತಹ ದೊಡ್ಡ ಸಾಲಗಳನ್ನು ಯಶಸ್ವಿಯಾಗಿ ಹೂಡಿಕೆ ಮಾಡಿ ಮರುಪಾವತಿಸುವ ಹಿನ್ನೆಲೆ ಹೊಂದಿರುವುದರಿಂದ, ಈ ತೀರ್ಮಾನವು ಬಂಡವಾಳ ಮಾರುಕಟ್ಟೆಯಲ್ಲಿ ಹೆಚ್ಚು ಗಮನಸೆಳೆಯುತ್ತಿದೆ.
ಭಾರತವಷ್ಟೇ ಅಲ್ಲದೆ ಏಷ್ಯಾದ ನಂ.1 ಶ್ರೀಮಂತ ಮುಕೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್‌ಗೆ ತುರ್ತಾಗಿ 3 ಬಿಲಿಯನ್‌ ಡಾಲರ್‌ ಅಂದರೆ ಸುಮಾರು 25,450 ಕೋಟಿ ರೂ. ಹಣ ಬೇಕಿದೆ. ಬಾಕಿ ಇರುವ ಸಾಲವನ್ನು ಮರುಹಣಕಾಸು ಮಾಡಲು ಈ ಹಣ ಬೇಕಿದ್ದು, ಸಾಲಕ್ಕಾಗಿ ಬ್ಯಾಂಕ್‌ಗಳೊಂದಿಗೆ ಮಾತುಕತೆ ನಡೆಸುತ್ತಿದೆ ಎಂದು ಈ ವಿಷಯದ ಬಗ್ಗೆ ತಿಳಿದಿರುವ ಜನರನ್ನು ಉಲ್ಲೇಖಿಸಿ ಬ್ಲೂಂಬರ್ಗ್‌ ವರದಿ ಮಾಡಿದೆ.
ಬಡ್ಡಿ, ಸಾಲ ಪಾವತಿಗೆ ಬೇಕಿದೆ ಭಾರೀ ಹಣ, ₹25,000 ಕೋಟಿ ಸಾಲ ಪಡೆಯಲು ಮುಂದಾದ ಮುಕೇಶ್ ಅಂಬಾನಿ
ಬಾಕಿ ಇರುವ ಸಾಲವನ್ನು ಮರುಹಣಕಾಸು ಮಾಡಲು ರಿಲಯನ್ಸ್ ಇಂಡಸ್ಟ್ರೀಸ್‌ಗೆ 3 ಬಿಲಿಯನ್‌ ಡಾಲರ್‌ ಅಂದರೆ ಸುಮಾರು 25,450 ಕೋಟಿ ರೂಪಾಯಿ ಹಣ ಬೇಕಿದೆ. ಈ ಸಂಬಂಧ ಬ್ಯಾಂಕ್‌ಗಳೊಂದಿಗೆ ಕಂಪನಿ ಮಾತುಕತೆ ನಡೆಸುತ್ತಿದೆ ಎಂದು ಈ ವಿಷಯದ ಬಗ್ಗೆ ತಿಳಿದಿರುವ ಜನರನ್ನು ಉಲ್ಲೇಖಿಸಿ ಬ್ಲೂಂಬರ್ಗ್‌ ವರದಿ ಮಾಡಿದೆ. ಸುಮಾರು ಅರ್ಧ ಡಜನ್ ಬ್ಯಾಂಕ್‌ಗಳು ರಿಲಯನ್ಸ್ ಜೊತೆ ಚರ್ಚೆಯಲ್ಲಿ ತೊಡಗಿಸಿಕೊಂಡಿವೆ ಎಂದು ಅದು ಹೇಳಿದೆ.
ಹೈಲೈಟ್ಸ್‌:
- ಬಾಕಿ ಇರುವ ಸಾಲವನ್ನು ಮರುಹಣಕಾಸು ಮಾಡಲು ರಿಲಯನ್ಸ್ ಇಂಡಸ್ಟ್ರೀಸ್‌ಗೆ ಬೇಕಿದೆ 3 ಬಿಲಿಯನ್‌ ಡಾಲರ್‌
- ಸುಮಾರು 25,450 ಕೋಟಿ ರೂಪಾಯಿ ಹಣ ಸಂಗ್ರಹಿಸಲು ಬ್ಯಾಂಕ್‌ಗಳೊಂದಿಗೆ ಕಂಪನಿಯಿಂದ ಮಾತುಕತೆ
- ರಿಲಯನ್ಸ್ ಜೊತೆ ಚರ್ಚೆಯಲ್ಲಿ ತೊಡಗಿಸಿಕೊಂಡಿವೆ ಸುಮಾರು ಅರ್ಧ ಡಜನ್ ಬ್ಯಾಂಕ್‌ಗಳು
ಭಾರತವಷ್ಟೇ ಅಲ್ಲದೆ ಏಷ್ಯಾದ ನಂ.1 ಶ್ರೀಮಂತ ಮುಕೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್‌ಗೆ ತುರ್ತಾಗಿ 3 ಬಿಲಿಯನ್‌ ಡಾಲರ್‌ ಅಂದರೆ ಸುಮಾರು 25,450 ಕೋಟಿ ರೂ. ಹಣ ಬೇಕಿದೆ. ಬಾಕಿ ಇರುವ ಸಾಲವನ್ನು ಮರುಹಣಕಾಸು ಮಾಡಲು ಈ ಹಣ ಬೇಕಿದ್ದು, ಸಾಲಕ್ಕಾಗಿ ಬ್ಯಾಂಕ್‌ಗಳೊಂದಿಗೆ ಮಾತುಕತೆ ನಡೆಸುತ್ತಿದೆ ಎಂದು ಈ ವಿಷಯದ ಬಗ್ಗೆ ತಿಳಿದಿರುವ ಜನರನ್ನು ಉಲ್ಲೇಖಿಸಿ ಬ್ಲೂಂಬರ್ಗ್‌ ವರದಿ ಮಾಡಿದೆ.
ಸಾಲ ಸಂಬಂಧ ಸುಮಾರು ಅರ್ಧ ಡಜನ್ ಬ್ಯಾಂಕ್‌ಗಳು ರಿಲಯನ್ಸ್ ಜೊತೆ ಚರ್ಚೆಯಲ್ಲಿ ತೊಡಗಿಸಿಕೊಂಡಿವೆ. 2025ರ ಮೊದಲ ತ್ರೈಮಾಸಿಕದಲ್ಲಿ ಸಾಲ ನೀಡುವ ಸಾಧ್ಯತೆ ಇದ್ದು, ನಿಯಮಗಳು ಇನ್ನೂ ಅಂತಿಮಗೊಂಡಿಲ್ಲ. ಮುಂದಿನ ದಿನಗಳಲ್ಲಿ ಇದು ಬದಲಾವಣೆಗೆ ಒಳಪಡುವ ಸಾಧ್ಯತೆಯೂ ಇದೆ ಎಂದು ಹೇಳಿದೆ.
2025ರಲ್ಲಿ 2.9 ಬಿಲಿಯನ್‌ ಡಾಲರ್‌ ಪಾವತಿಸಬೇಕಿದೆ ರಿಲಯನ್ಸ್
ಬ್ಲೂಮ್‌ಬರ್ಗ್ ನ್ಯೂಸ್ ಸಂಗ್ರಹಿಸಿದ ಮಾಹಿತಿಯ ಪ್ರಕಾರ ಬಡ್ಡಿ ಪಾವತಿ ಸೇರಿದಂತೆ 2025ರಲ್ಲಿ ಸರಿಸುಮಾರು 2.9 ಬಿಲಿಯನ್‌ ಡಾಲರ್‌ ಮೌಲ್ಯದ ಸಾಲವನ್ನು ರಿಲಯನ್ಸ್ ಪಾವತಿಸಬೇಕಿದೆ. ಆದರೆ ಈ ಬಗ್ಗೆ ಪ್ರತಿಕ್ರಿಯೆ ಕೇಳಿದಾಗ ರಿಲಯನ್ಸ್ ವಕ್ತಾರರು ತಕ್ಷಣ ಪ್ರತಿಕ್ರಿಯಿಸಿಲ್ಲ ಎಂದೂ ಸುದ್ದಿ ಸಂಸ್ಥೆ ತಿಳಿಸಿದೆ.
ಒಂದೊಮ್ಮೆ ಸಾಲ ಪಡೆದಲ್ಲಿ 2023ರ ಬಳಿಕ ರಿಲಯನ್ಸ್ ಇಂಡಸ್ಟ್ರೀಸ್ ಮತ್ತೆ ವಿದೇಶಿ ಮಾರುಕಟ್ಟೆಗೆ ಮರಳಿದಂತಾಗಲಿದೆ. ಆ ಸಂದರ್ಭದಲ್ಲಿ ಸಮೂಹವು ತನ್ನ ಪೋಷಕ ಸಂಸ್ಥೆ ರಿಲಯನ್ಸ್ ಹಾಗೂ ಅದರ ಅಂಗಸಂಸ್ಥೆಯಾದ ರಿಲಯನ್ಸ್ ಜಿಯೋ ಇನ್ಫೋಕಾಮ್ ಲಿಮಿಟೆಡ್‌ಗಾಗಿ 8 ಬಿಲಿಯನ್‌ ಡಾಲರ್‌ ಹಣವನ್ನು ಸಂಗ್ರಹಿಸಿತ್ತು.
ಒಟ್ಟು 55 ಸಾಲದಾತರಿಂದ ಈ ಸಾಲವನ್ನು ಪಡೆದುಕೊಂಡಿತ್ತು. ಈ ಬಾರಿ ಮತ್ತೆ ಒಂದಿಷ್ಟು ಬ್ಯಾಂಕ್‌ಗಳು ಒಟ್ಟಾಗಿ ಸಾಲ ನೀಡುವ ಸಾಧ್ಯತೆ ಇದೆ.
ಸ್ಥಳೀಯ ಷೇರುಪೇಟೆಯಿಂದ ಹೊರ ಹೋಗುತ್ತಿರುವ ವಿದೇಶಿ ಬಂಡವಾಳದ ಹಿನ್ನೆಲೆಯಲ್ಲಿ ರೂಪಾಯಿ ದುರ್ಬಲವಾಗಿದ್ದು, ಇದೇ ಹೊತ್ತಲ್ಲಿ ರಿಲಯನ್ಸ್ ಬೃಹತ್‌ ಮೊತ್ತದ ಸಾಲ ಪಡೆಯಲು ಮುಂದಾಗಿದೆ.
ಸದ್ಯ ರಿಲಯನ್ಸ್ ಇಂಡಸ್ಟ್ರೀಸ್ ಭಾರತದ ಗ್ರೇಡ್‌ಗಿಂತ ಒಂದು ದರ್ಜೆ ಮೇಲಿನ ರೇಟಿಂಗ್ ಹೊಂದಿದೆ. ಈ ಮೂಲಕ ಕಂಪನಿಯ ಕ್ರೆಡಿಟ್ ಅರ್ಹತೆಯು ಅದು ಇರುವ ದೇಶಕ್ಕಿಂತ ಹೆಚ್ಚಿರುವ ಅಪರೂಪದ ಸಂದರ್ಭಕ್ಕೆ ಸಾಕ್ಷಿಯಾಗಿದೆ.
ಮೂಡೀಸ್ ರೇಟಿಂಗ್ಸ್ ಕಳೆದ ವಾರ ರಿಲಯನ್ಸ್ ಇಂಡಸ್ಟ್ರೀಸ್‌ನ ರೇಟಿಂಗ್ ಅನ್ನು ಬಿಎಎ2 (Baa2)ನಲ್ಲೇ ಉಳಿಸಿಕೊಂಡಿತ್ತು. ಕಂಪನಿಯ ಕ್ರೆಡಿಟ್ ಅಂಶಗಳು ಗಟ್ಟಿಯಾಗಿವೆ. ಹಾಗೂ ಈಗಿನ ಬಂಡವಾಳ ವೆಚ್ಚಗಳ ಹೊರತಾಗಿಯೂ ಹಾಗೆಯೇ ಉಳಿಯುವ ಸಾಧ್ಯತೆ ಇದೆ ಎಂದು ಅದು ಟಿಪ್ಪಣಿಯಲ್ಲಿ ತಿಳಿಸಿದೆ.
